غ رام القلب

[شمس الغرام]

أنا يا من تظن أني أدور للغرام أسباب..*..


ترى في داخلي أخفي غرام القلب واسبابه





أبي أكشف لك أسبابي وابين لك مدى الإعجاب..*..


عسى قلبك يراعيني يبادل قلبي إعجابه




لقيتك دنيتي لكن عرفت إن الزمن غلاب..*..


وآنا يا خلي من شفتك ظروفي جات غلابه



شقا صارت حياتي لين شفت ان الفرح قد غاب..*..


ولا نور ليالينا كأني عايش بغابه




بعد ذاك الشقا جيتك أدور راحتي باتعاب..*..


عسى قلبي بعد يلقى بأيدك حد لاتعابه




تخيلتك مثل قطره ألاقي غيثها سكاب..*..


تغير حالي وتسعى بلا تفكير سكابه




والاقي طيبتك بلسم يداوي جرح بي ما طاب..*..


تعبني حيل لكني صبرت وصرت أوطابه




(على نفس الطريق اللي) جمعنا جاب لي ما جاب..*..


وطيته بس لعيونك أقاسي كل ما جابه




ومثل ما قالها شاعر طريقي لك غرام أحباب..*..


وقلبي يا هوى يوفي لاعز الناس واحبابه



غريبه لو تمنيتك بعالم سرمدي كذاب..*..

حوى كل الوجوه اللي غدت شرواه كذابه



بس الأغرب إذا كنت أمير وتحكم رقاب..*..


شعب ما كان يوطا لك يجيك مسلم رقابه




أصير الشعب أخضع لك واسلم راسي بترحاب..*..


واكون إنسان في حكمك تزايد فيه ترحابه



على شرط انك تكون عفيف(ن) عن سواة أذناب..*..


ترا في الناس معروفه تشين الشخص أذنابه



وكل من يفعل الزلة تفارق عنهم الأنساب..*..


يموت الشخص أو يخسر شرف وتموت أنسابه




إذا قاربت للزلة دعائي يحتويك تراب..*..

قبل لا يلحقك عارك يواري جسمك ترابه



مثل ما قاومت بنت شريفة بيوم جوع ذياب..*..


أبت واستشهدت من دون تشبع رغبة ذيابه




تخيلتك قبل ترحل غدينا لبعضنا أحباب..*..

ولكن من بها لعالم بيوفي اليوم لاحبابه



خيالي للأسف واسع تخيلته بدون أسباب..*..


سوى اني بغيت أكشف غرام القلب واسبابه

[الوتر الحساااس]

كلمااات غااايه في الروووعه



http://i45.servimg.com/u/f45/12/35/46/45/25862d10.gif (http://www.servimg.com/image_preview.php?i=49&u=12354645)

[نور]

يسلمووووووووو شمس
يعطيك ربي الف عافية

[أنوار البتول]

مشكوره يا الغاليه على الكلمات الرائعه و الجميله
سلمت يداك

[red rose]

تسلم يدينك اخت شمس على الابيات الرائعة

[شمس الغرام]

يعطيكم العافية على حضوركم بين قصائدى

وجودكم زادنى تقدما كثر

ربى
يسعدكم

[وهج الظلام]

http://i42.servimg.com/u/f42/11/72/71/84/191pm10.gif (http://www.servimg.com/image_preview.php?i=182&u=11727184)

[شمس الغرام]

حضورك مميز حبيبتى وهج

ربى يسعدك دوم

[همــــــس]

كلمـــــــــــــــات رووووووعه

يسلمووو يمناك يالغاليه على الطرح

دائمـــــــــــاً مبدعه

الله يعطيك الف الف عافيه

لاخلا ولاعدم إنشاء الله

[كبريآء رج ــل]

سطور جدا رائعه
تسلمين على طرحك المتميز
لاتحرمينا عطائك الدائم
تقبلي مروري